Bakkafrost nýggjur høvuðsstuðul hjá Støkk

Støkk og Bakkafrost hava í dag undirskrivað høvuðsstuðulsavtalu. Rannvá Troest, forkvinna í Støkk, og Poul Andrias Jacobsen, marknaðarleiðari hjá Bakkafrost, undirskrivaðu stuðulsavtaluna, sum inniber, at Bakkafrost nú er høvuðsstuðul hjá Støkk í tvey ár.

Navigare og Holm Bygging halda fram sum undirstuðlar hjá Støkk komandi tvey árini. Avtalurnar vórðu undirskrivaðar av Dagbjørt Sólheim, næstforkvinnu í Støkk og Jüttu J. Olsen, HR-leiðara hjá Navigari og Monradi Holm Jacobsen, stjóra í Holm Bygging. 

Intersport heldur eisini fram klædnastuðul. Á myndunum síggja vit nýggja búnan hjá Støkk.

Felagið fegnast um at hava fingið hesar avtalur í lag og sær fram til gott samstarv.

Fittu fimleikararnir á myndini eru Sarita Gaardlykke og Jóannes S. Hansen.