1. steypakapping í estetiskum fimleiki

Leygardagin 29. januar verður 1. steypakapping í estetiskum fimleiki.

Kappingin verður í høllini á Hálsi kl. 13:00 og kunnu vit fegnast um, at hon verður við áskoðarum. Harumframt verður kappingin stroymd á kvf.fo.
 

Estetisku liðini leggja nú síðstu hond á seriuvenjing og fyrireika seg av álvara til kappingina.

Vit gleða okkum til leygardagin og ynskja øllum okkara liðum bestu eydnu til kappingina.