Jóhanna Petersen heiðurslimur 

Leygardagin 25. mars gjørdist Jóhanna Petersen heiðurslimur í Støkk. Jóhanna hevur verið virkin í Støkk flestu árini síðani 1966, tá felagið varð sett á stovn. Hon hevur vant bæði børn, ung og vaksin gjøgnum árini, og seinnu árini hevur hon saman við Jóhonnu Troest undirvíst kvinnum 55+ í lættari motión og linedance. Eisini var hon við á felagsliðnum, sum tók lut í framsýningunum í ár. 

Frammanundan hevði Støkk tríggjar heiðurslimir, sum eru Jóhanna Troest, Kai Aage Troest, sáli og Jóhan Kjeld, sáli.

Støkk ynskir Jóhonnu Petersen enn einaferð hjartaliga tillukku við heiðrinum.